شفتها يا سعود صدفه بعد ما غابت سنين

قصيده أعجبتني !! حبيت أنقلهــا لكم
تمنياتي لكم لتوفيق
0
0
0

شفتها يا سعود صدفه بعد ما غابت سنين
عند قسم المختبر وسط مشفى الجامعـه

جيتها ثم قلت ممكن في سؤالي تسمحيـن
ناظرت فيني بدهشـه نظـره متواضعـه

قالت انته تحسبني مـن بنـات صايعيـن
تحسبني في زماني عن طريقي ضايعـه

قلت انا ماراح اطـول كلبوهـا كلمتيـن
وابعدت عني شويه ثـم جتنـي راجعـه

قالت اسال واضح انك من رجال طيبيـن
بس هرجك يالسنافي كان وشهـو دافعـه

قلت انا حبيت وحده يوم كنـا صغيريـن
ومن ثمان سنين راحت للمواصل قاطعـه

عقبهـا ماذقـت نـوم يهتنيـه النايميـن
ساهر في طول ليلي لين شمسي طالعـه

اذكر انه فيه حبه فوق ثغره مـن يميـن
واذكر انه لاجرينـا كـن شعـره تابعـه

واذكر انـه عاشـق الـورد والياسميـن
وصار قلبي بالورود اللي عشقها زارعه

قاطعتني بقولهـا سبحـان رب العالميـن
كررتها مـره .. ومرتيـن .. ورابعـه

قلت وشفيك وشبـلاك يابنيـه ترجفيـن
ليش عينك يابنيـه مـن كلامـي دامعـه

قالت الموقف وقلبي والمحبـه والحنيـن
كيف اشوفك بعد ماكنـت عنـك قانعـه

قلت انا بسألك ان كانـك انتـي تذكريـن
عن مواثيق ثمنهـا مـن حياتـي دافعـه

قالت ظروف الزمان ماتطيـع العاشقيـن
بيعوني غصب حبك لو هو ماني بايعـه

انا في دنياي حالي كنها حـال السجيـن
حتى لو فكوا سراحه فيه شـي ٍ مانعـه

زوجوني غصب واحد وحرموني حاجتين
السعاده فـي زمانـي والحيـاه الرائعـه

والحين انـا ام لثلاثـه ريـم وياسميـن
والولد اسمه على اسمك والمشاعر جايعه

وتقبلوا تحياتي >>> عبدالله

السلام عليكم ورحمه الله وبركاته ...

انا في دنياي حالي كنها حـال السجيـن
حتى لو فكوا سراحه فيه شـي ٍ مانعـه

يعطيك العافيه
يااا أخوي سرااااب
ع الابيات الرااااائع !!
ولا تبخل علينا ب جديدك ؟!!

اشكرك على المتابعه

تسلم أخوي السراب ...

قالت ظروف الزمان ماتطيـع العاشقيـن
بيعوني غصب حبك لو هو ماني بايعـه

لاعدمنا تميزك

المــلـــــــــــــــــــــــــــــــكــه

» شفتها يا سعود صدفه بعد ما غابت سنين